الدليل الشامل لطرق تحضير المحاشي بكل أنواعه | المحاشى
تعتبر المحاشي من الوجبات الأساسية وخاصة فى فصل الشتاء حيث لا تخلو مائدة منها وتختلف طريقة إعداد المحاشي من بلد إلى بلد، وتعتمد على الخضار والأرز واللحم.
والمحاشي بجميع أنواعها لذيذة وشهية وصحية جدا وسأقدم هنا لكم أحبتي أصناف وأنواع مختلفة من المحاشي أتمنى أنتعجبكم.
طريقة عمل المحاشي
جميع الوصفات متميزة وخاصة لمطبخ بيت العيلة نرجو منكم مشاركة الوصفات مع ذكر المصدر وبالف هنا ليكم.
1- طريقة عمل محشى ورق العنب
مقادير ورق العنب
- نصف كيلو ورق عنب
- للخلطة هنحتاج
- 3 كوب رز مصرى
- 7 طماطم
- 3 معالق كبار صلصة
- 2 حزمة كزبرة خضراء
- حزمة بقدونس
- حزمة شبت
- ربع كوب زيت
- بصلة كبيرة
- عصير 2 ليمونه
- توابل الخلطة / فلفل اسود _ رشة شطة _ بهارات _ قرفة _ كمون _ كزبرة ناشفة
- وللتسوية هنحتاج
- 2 كوب شوربة فراخ او لحمة
- 2 ملعقة كبيرة سمنة
طريقة تحضير محاشي ورق العنب
هنسلق الورق بعد مانوضبه ونشيل العروق منه،هنسلقة لمدة اقل من دقيقة عشان ميتهريش ويتقطع مننا واحنا بنلفه وممكن نغطسه فى مياه مغلية ونطلعه هنسيبه يبرد خالص.
هنحضر الخلطة المتسبكه
- ممكن نفس الخلطه دى نعملها من النارودى اللى انا بفضلها وبعملها على طول.
- طريقه التانيه التسبيكه هنبشر البصل ونحطه على النار مع الزيت ونقلبهم هنضرب الطماطم فى الخلاط ونصفيها ونحطها على البصل لما لونه يصفر لغاية ماتتسبك هنطفى النار.
- نقطع الكزبرة والبقدونس والشبت ونحطهم على البصل والطماطم ونقلبهم ونحط عليهم الرز المغسول والتوابل،
- نقلبهم كويس ونسيبهم يبردوا هنجيب اى ورقة من ورق العنب اللى سلقناه وهنحطها على طبق والعروق الخشنة اللى فى الورقة هى اللى هتبقى مواجهة لينا وهنحط عليها الرز
- نحط فى اول الورقة كمية الخلطة المناسبة حسب حجم الورقة، وهنطوى جناب الورقة على الخلطة، وهنمسك الخلطة بالورقة ونضغط عليهم واحنا بنلف عشان المحاشي يبقى متماسك.
- نجيب الحله ونرص فى قعها شرايح بصل وطماطم وعيدان الورق عشان دول بيعطوا للطعم حموضة ونكهة حلوة،
- نرص المحاشي بشكل دائرى لما نخلص لف نسيب مسافة فى الحلة من فوق عشان لسه هنحط شوربة وحجم المحاشي هيتضاعف اخر خطوة عصير ليمونتين على الوجه،
- ثمنيجى بقى لسواء المحاشي هنسخن الشوربة اللى هنسقى بيها المحاشي وقبل مانحط الشوربة هنحط الحلة على النار وعلى وشها معلقتين كبار سمنة ونغطيها ونسيبها على النار لمدة 10 دقايق وبعد كده نحط الشوربة بعد ماتكون غليت وطبعا الشوربة هتغطى ورق العنب،
- نجيب طبق يكون على قد الحلة ونحطه فوق المحاشي والخطوة دى مهمة لأن الطبق ده بيضغط الشوربة مع البخار ويخلى المحاشي يستوى كويس ونسيبه على نار هادية لغاية مايستوى وطبعا كل فترة هنختبر سواه، وبالف هنا.
اقرأ ايضا: طريقة عمل الهريسة بكل انواعها ب 8 طرق رائعة في رمضان
2- محشى الكرنب
مقادير محشى الكرنب
- كرنبه متوسطه تقطعيه وتسلقيه وتجهزيه للحشو
- 1/2كيلو أرز مغسول حطيه في مصفي
- كيلو طماطم معصورة
- 2 بصله مبشورة
- 3 فصوص توم مفرومين
- ربطه شبت وكزبرة بقدونس مقطع نااعم
- 2 معلقة كبيرة صلصه
- شرايح جزر وبصل وطماطم وفلفل اخضر
توابل محشى الكرنب
- معلقة ملح
- كزبرة ناشفه،
- كمون، شطه
- فلفل اسود
- رشه قرفه
- رشه نعناع
طريقة عمل محشى الكرنب
- نجيب حله نشوح البصل بالتوم يدبلو نحط طماطم والصلصه ونص تسيبيكه حطي بهاراتك كلو ويتسبك خالص نحط الرز ونقلب ونحط الخضرة بس نسيب شويه صغيرين اوي هنحتاجهم ونحط شويه زيت صغيرين علشان أرزالمحشي يبقي مفلفل.
- نجيب حله ورصى في ارضيتها نحط شرايح جزر وبصل وفلفل اخضر وطماطم في الارضيه ونحشي نرص المحشي عادي جداااا
- هنسخن الشوربة اللى هنسقى بيها المحشى وقبل مانحط الشوربة هنحط الحلة على النار وعلى وشها معلقتين كبار سمنة ونغطيها ونسيبها على النار لمدة 5 دقايق
- بعد كده نحط الشوربة بعد ماتكون غليت وطبعا الشوربة هتغطى ورقالكرنب،
- نجيب طبق يكون على قد الحلة ونحطه فوق المحشى والخطوة دى مهمة لأن الطبق ده بيضغط الشوربة مع البخار ويخلى المحشى يستوى كويس ونسيبه على نار هادية لغاية مايستوى حوالى ساعه، وبالف هنا ليكم.
اقرأ ايضا: طريقة عمل الكرواسون البسيط
3- محشى الكوسه والباذنجان والفلفل
مقادير محشي الكوسه والباذنجان والفلفل
- 300 جرام لحم مفروم
- 1/2 كيلو أرز مغسول حطيه في مصفي
- 1/2 كيلو كوسا
- 1/2 كيلو فلفل اخضر
- 1/2 كيلو باذنجان
- 1/2 كيلو طماطم معصورة
- 2 بصله مبشورة
- 3 فصوص توم مفرومين
- ربطه شبت وكزبرة بقدونس مقطع نااعم
- 2 معلقة كبيرة صلصه
توابل محاشي الكوسة والباذنجان
- معلقة ملح
- كزبرة ناشفه
- كمون
- شطه
- فلفل اسود
- رشه قرفه
- رشه نعناع
طريقة عمل محشى الكوسه والباذنجان والفلفل
البتنجان والكوسه والفلفل بتقوريه عادي و تغسليه و تحشيه من الخلطه بتاعت المحشي (الكوس اهم حاجه تدهنيها بصوباعك من جوا بملح وفلفل علشان متبقاش دلعه)
طريقة تحضير محشي الكوسة والباذنجان
نجيب حله نشوح البصل بالتوم يدبلو نحط طماطم والصلصه ونص تسيبيكه حطي بهاراتك كلو ويتسبك خالص نحط الرز ونقلب ونحط الخضرة بس نسيب شويه صغيرين اوي هنحتاجهم ونحط شويه زيت صغيرين علشان أرز المحشي يبقي مفلفل،
و تحشي بيها كل اصناف المحشي وحطي الرز براحه ومش تمليها اوي لان الرز بيزيد انا بحط الكوسه و الفلفل و الباتنجان مع بعض في حلة واحده
بحط فى الارضيه بطاطس شرايح وفلفل شرايح وطماطم شرايح بتديه طعم حلو وتخليه ميلزقش واخيه واقف جنب بعض وبتكون الشربه بتغلي بتنزليها بتسقي بيها المحشي ومتكتريش شوربه عشان ميعجنش يدوب تغطى 1/2 الصباع وسويها علي نار عاليه اول ما الشوربه تغلي هدي النار خالص لغايه ما تستوى حوالى 30 دقيقة ثم اطفى النار واخد الكوسه والفلفل فى صينيه وعليها معلقه سمنه ادخلها الفرن احمر وشها واقدمهم مع الباذجان، وصحتين وهنا.
اقرأ ايضا : الدليل الشامل لعمل جميع أنواع الكنافة علشان عيوووونكم
4- طريقة عمل محشى البصل
مقادير محاشي البصل
- كيلو بصل
- 1/2 كيلو أرز مغسول حطيه في مصفي
- كيلو طماطم معصورة
- 2 بصله مبشورة
- 3 فصوص توم مفرومين
- ربطه شبت وكزبرة بقدونس مقطع ناعم
- 2 معلقة كبيرة صلصه
- شرايح جزر وبصل وطماطم وفلفل اخضر
توابل محاشي البصل
- معلقة ملح
- كزبرة ناشفه
- كمون، شطه
- فلفل اسود
- رشه قرفه
- رشه نعناع
اقرأ ايضا: الدليل الشامل لعمل جميع أنواع المعمول
طريقة عمل محشى البصل
- نجيب حله نشوح البصل بالتوم يدبلو نحط طماطم والصلصه ونص تسيبيكه حطي بهاراتك كلو ويتسبك خالص
- نحط الرز ونقلب ونحط الخضرة بس نسيب شويه صغيرين اوي
- هنحتاجهم ونحط شويه زيت صغيرين علشان أرز المحشي يبقي مفلفل،وبعدين نجيب حله ورصى في ارضيتها
- نحط شرايح جزر وبصل وفلفل اخضر وطماطم في الارضيه ونحشي،
- قشري البصل ثم اعملي شق واحد طولي في جانب البصلة،
- اسلقي البصل في ماء مغلي مدة 7 دقائق إلى أن تلين راقات البصل.
- اخرجي البصل من الماء الساخن ثم ضعيه في ماء بارد، افصلي طبقات البصل عن بعضها البعض، دعيها جانبا.
- افردي ورقة البصل ثم ضعي فيها بعض الحشو ولفيها، كرري العملية مع بقية المقدار
- اضيفي الشوربه المغليه، عصير الليمون والملح، اول ما الشوربه تغلي هدي النار خالص لغايه ما تستوى
- ثم اطفى النار ومع الف هنا وشفا.
أتمنى تكون الوصفات عجبتكم ولا تبخلوا علينا بمشاركة الموضوع مع أصدقائكم علشان الكل يستفيد، ولو احتاجتم وصفات أخرى راسلونى على صفحاتنا على شبكات التواصل الاجتماعى مطبخ بيت العيلة.
اقرأ ايضا: طريقة عمل الحواوشى الاسكندراني والبلدي
